Davao City – Arestado ang isang lalaki na nakatala bilang Most Wanted Person habang kumukuha ng National Police Clearance sa Sta. Ana Police Station, Quezon Blvd., Davao City, nito lamang Biyernes, Abril 29, 2022.
Kinilala ni PMaj Jake Goles, Station Commander ng PS1 Sta Ana, ang suspek na si Jerson Campoid Maulana, 32, residente ng Purok 3 Brgy. Libuak, Island Garden City of Samal.
Ayon kay PMaj Goles, naaresto ang suspek habang kumukuha ng Police Clearance sa nasabing istasyon at napag-alaman na siya ay may warrant of arrest sa kasong carnapping.
Ang National Police Clearance ay isa lamang sa mga magandang programa ng PNP upang mahuli lahat ng wanted person sa bansa at magkaroon ng mas mapayapang pamayanan.
###
Panulat ni Patrolman Alfred Vergara
