Arestado ng Bayambang PNP ang isang Most Wanted Person na may kasong Rape sa Barangay Quilib, Rosario, Batangas nito lamang ika-2 ng Pebrero 2025.
Kinilala ni Police Lieutenant Colonel Lawrence Keith D Calub, Officer-In-Charge ng Bayambang Municipal Police Station, ang suspek na si alyas Moyo, 33 taong gulang, residente ng Barangay Pugo, Bayambang, Pangasinan.
Ayon kay PLtCol Calub, naaresto ang suspek dakong 1:30 ng tanghali sa bisa ng Warrant of Arrest sa kasong Rape na walang rekomendadong piyansa.
Ang Bayambang PNP ay patuloy sa pagsasagawa ng operasyon laban sa mga taong may pananagutan sa batas upang mapanatiling ligtas, tahimik, at maayos ang komunidad tugon sa maayos at ligtas na Bagong Pilipinas.
Source: Bayambang Municipal Police Station
Panulat ni Patrolman Dennis P Carinal