Davao City – Arestado ang isang lalaki matapos makiisa sa isinagawang Caravan ng Revitalized-Pulis sa Barangay sa Brgy. Baganihan Gymnasium, Marilog District, Davao City, noong Oktubre 8, 2022.
Kinilala ni PMaj Amante Nozares, Officer-In-Charge ng Marilog Police Station, ang suspek na si alyas “Archie”, 49, residente ng Kitaotao, Bukidnon Province na tinaguriang Most Wanted Person.
Ayon kay PMaj Nozares, naaresto ang suspek matapos itong makiisa sa LTO Caravan na isinasagawa ng tauhan ng R-PSB Marilog.
Ang suspek ay may Warrant of Arrest sa kasong murder na walang piyansang inirekomenda.
Ang pagkakadakip sa suspek ay resulta ng magandang ugnayan at pagmamalasakit ng mamamayan at kapulisan sa komunidad na magdadala sa kaayusan at kaunlaran ng bansa.
Panulat ni Patrolman Alfred Vergara
