North Cotabato – Arestado ang isang lalaki sa patuloy na isinasagawang Manhunt Charlie operation ng tauhan ng PNP sa Purok Manga, Brgy Arizona, Midsayap, North Cotabato, noong Enero 31, 2023.
Kinilala ni Police Major Nelson Violan Jr, Station Commander ng Marilog Police Station, ang suspek na si alyas “Randy”, 45, residente ng nasabing lugar na tinaguriang Most Wanted Person sa lugar.
Ayon kay PMaj Violan, inaresto ang suspek sa bisa ng Warrant of Arrest sa kasong Frustrated Murder na may Php200,000 piyansang inirekomenda.
Dagdag pa ni PMaj Violan, naaresto ang suspek ng pinagsamang tauhan ng Marilog PS at sa pakikipag-ugnayan sa Midsayap Municipal Police Station.
Naging matagumpay ang pagkakadakip sa suspek dahil sa tulong at pagmamalasakit ng mga mamamayan sa kapulisan na siyang dahilan upang makamit ang kaayusan at kapayapaan tungo sa kaunlaran ng bansa.
Panulat ni Patrolman Alfred Vergara
