Arestado ang isang Most Wanted Person sa Municipal Level sa kasong Frustrated Murder sa isinagawang intel driven operation ng mga awtoridad sa Barangay Sinuyak, Poblacion, Katipunan, Zamboanga del Norte nito lamang ika-1 ng Oktubre 2024.
Kinilala ni Police Major Benjamin Napigkit. Chief of Police ng Katipunan Municipal Police Station, ang naarestong suspek na si alyas “Dar”, 18 anyos, lalaki at residente ng Purok 3, Barangay Sinuyak, Katipunan, Zamboanga del Norte.
Ang suspek ay nahaharap sa kasong Frustrated Murder na may inirekomendang piyansa na nagkakahalaga ng Php200,000.
Patunay lamang na ang Pambansang Pulisya katuwang ang iba’t ibang ahensya ng gobyerno ay patuloy sa pagpapatupad ng kanilang sinumpaang tungkulin kontra kriminalidad na naaayon sa agenda ng gobyerno na itaguyod ang kaayusan at kaligtasan ng publiko, kapayapaan at seguridad na magkaroon ng maunlad na isang Bagong Pilipinas.
Panulat ni Patrolwoman Joyce Franco
