Davao Oriental – Arestado ang isang wanted person sa patuloy na isinasagawang Manhunt Charlie operation ng mga tauhan ng Mati PNP sa Brgy. Don Martin Marunda, Mati City, Davao Oriental, noong Hunyo 16, 2023.
Kinilala ni PLtCol Ernesto Gregore, Chief of Police ng Mati City Police Station, ang suspek na si alyas “Micheal”, 47, residente ng nasabing lugar at tinaguriang Most Wanted Person sa lungsod.
Ayon kay PLtCol Gregore, inaresto ang suspek ng mga tauhan ng Mati CPS sa bisa ng Warrant of Arrest sa kasong 2 counts ng Rape at walang piyansang inirekomenda.
Ang Mati PNP ay nagpaalala sa mga mamamayan na maging mapagmasid sa kapaligiran at dumulog sa kanilang himpilan upang makiisa sa pagpapalaganap ng kapayapaan at kaayusan sa lungsod.
Panulat ni Patrolman Alfred Vergara
