Pangasinan – Arestado ang isang lalaking Most Wanted Person sa ikinasang operasyon ng Tayug PNP sa Brgy. Trenchera, Tayug, Pangasinan nito lamang ika-17 ng Mayo 2023.
Kinilala ni Police Major Anastacio Sibayan Jr, Officer-In-Charge ng Tayug Municipal Police Station, ang suspek na si Crisanto Abobo Nunang, 47, residente ng Brgy. Carriedo, Tayug, Pangasinan.
Ayon kay PMaj Sibayan Jr, bandang 9:41 ng umaga nang maaresto ang suspek sa bisa ng Warrant of Arrest sa kasong paglabag sa Section 5(B) ng RA 7610 na mayroong rekomendadong piyansa na Php180,000.
Ang Tayug PNP ay patuloy sa pagsasagawa ng operasyon laban sa mga taong may pananagutan sa batas upang mapanatiling ligtas, tahimik at maayos ang komunidad.
Source: Tayug, Municipal Police Station, Pangasinan
Panulat ni Patrolman Dennis P Carinal
