Davao City – Arestado ang isang lalaki sa patuloy na isinagawang Manhunt Charlie Operation ng mga tauhan ng Sasa PNP sa Piapi Boulevard, Davao City nito lamang Pebrero 28, 2023.
Kinilala ni Police Major Jake Goles, Station Commander ng Sasa Police Station, ang suspek na si alyas “Francis”, 29, residente ng nasabing lugar.
Ayon kay PMaj Goles, inaresto ang suspek ng mga tauhan ng Sasa Police Station at 1105th Regional Mobile Force Battalion 11 sa bisa ng Warrant of Arrest sa kasong Robbery with Intimidation na may Php100,000 piyansang inirekomenda.
Saad naman ni PMaj Goles na patuloy ang kanilang operasyon upang mahuli ang lahat ng wanted person ng makamit ang kaayusan at kapayapaan tungo sa kaunlaran ng bansa.
Panulat ni Patrolman Alfred Vergara/RPCADU11
