Arestado ng mga awtoridad ang isang Most Wanted Person na tinaguriang Top 10 sa Regional, Top 1 sa Provincial at Top 1 sa Municipal Level sa Barangay Tabugon, Santa Fe, Romblon nito lamang ika-4 ng Nobyembre 2024.
Kinilala ang suspek na si alyas “Renan”, 18 taong gulang walang trabaho, binata at residente ng Barangay Tabugon, Santa Fe, Romblon.
Inaresto ang suspek sa bisa ng Warrant of Arrest ng pinagsanib pwersa ng Santa Fe MPS (lead unit), Romblon PIU, Romblon CIT-RID at Romblon PIT-RIU 4B para sa paglabag sa Article 266-A (2) kaugnay ng Seksyon 5 (b) Republic Act 7610 o “Special Protection of Children Against Abuse, Exploitation, and Discrimination Act,” na sinususugan ng R.A. 11648 o Child Prostitution and Other Sexual Abuse na may kabuuang piyansang nagkakahalaga ng Php 600,000.
Ang operasyon ay naitala sa paggamit ng dalawang (2) Alternative Recording Devices (ARD) at binasahan ang suspek ng kanyang mga karapatan ayon sa ipinag-uutos ng batas.
Ang matagumpay na operasyong ito ay daan upang makamit at mapanatili ang kapayapaan at kaayusan sa pamamagitan ng paglutas at pagsugpo sa mga ugat ng nangyayaring kaguluhan at kriminalidad sa komunidad.
Source: Santa Fe MPS
Panulat ni Patrolwoman Ana Rose D Guadaña
