Arestado ng Cavite PNP ang isang lalaking kumukuha ng Police Clearance sa Barangay Gregorio, Trece Martirez City, Cavite nito lamang ika-04 ng Mayo, 2025.
Kinilala ang suspek na si alyas “Sandy”, residente ng nasabing lugar.
Sa ulat ng pulisya, alas-2 ng hapon nang magtungo ang suspek sa Trece Martires City Police Station upang kumuha ng police clearance na requirements nito sa inaaplayang trabaho.
Nang nakasalang na sa computer clearance ang suspek, dito na agad lumabas ang pangalan nito na kasama sa mga wanted person at may nakabinbing Warrant of Arrest para sa mga kasong droga.
Hindi na nakauwi ang suspek at diretso sa kulungan upang harapin ang kasong paglabag sa Republic Act 9165 na inihain laban sa kanya.
