Eastern Samar – Nagsagawa ang mga tauhan ng Taft Municipal Police Station ng Mobile Storytelling at Mobile Canteen para sa mga kabataan ng Brgy. Dacul, Taft, Eastern Samar nitong Martes, ika-21 ng Pebrero 2023.
Ang aktibidad ay pinangunahan ni Police Staff Sergeant Joy A Serrano, WCPD/FJGAD PNCO sa ilalim ng pangangasiwa ni Police Captain Angelyn Glou A Cortado, Officer-In-Charge ng Taft MPS.
Tinipon ng kapulisan ang mga bata upang ibinahagi sa kanila ang maikling kwento na mayroong magandang aral na makukuha tulad ng mabuting asal, tamang pag-uugali, at paggalang sa mga nakatatanda.
Binigyan din sila ng mga tsokolate sa pagtatapos ng aktibidad.
Patuloy naman ang PNP sa kanilang pagpupursigi na ilapit ang kalooban ng publiko sa pulisya lalong lalo na ang mga kabataan.
