Pres. Garcia, Bohol – Matagumpay na nagsagawa ng Mobile Feeding Program ang mga tauhan ng Pres. Garcia Police Station sa Barangay Pitiogo, Pres. Garcia, Bohol nito lamang ika-1 ng Agosto 2022.
Ang programa ay pinangunahan ng mga miyembro ng Pres. Garcia Police Station sa direktang pangangasiwa ni Police Lieutenant Ernesto Palatan Sagarino, Chief of Police.
Ayon kay Police Lieutenant Sagarino, ang aktibidad ay nagnanais na maturuan ang mga bata maging ang kanilang mga magulang patungkol sa wastong nutrisyon na nararapat taglayin ng bawat bata.
Layunin ng Pambansang Pulisya na punan ang kakulangan sa pagkain partikular na sa mga bata sa naturang lugar upang maiwasan ang malnutrisyon maging ang iba’t ibang uri ng sakit na kaakibat nito.
###
Panulat ni Patrolwoman Kyla Hannah R Evangelista
