Quezon City – Nagtipon-tipon ang mga representante ng Philippine Council of Evangelical Churches, Inc. sa pangunguna ni Bishop Noel A Pantoja, National Director, PCECI at ng pamunuan ng Pambansang Pulisya sa isinagawang MOA signing kasabay ng Traditional Monday Flag Raising Ceremony nito lamang umaga sa PNP National Headquarters, Camp Crame, Quezon City.
Ang nasabing aktibidad ay pinangunahan mismo ni PNP Chief General Rodolfo S. Azurin, Jr., kung saan nagpasalamat ito sa iba’t ibang miyembro ng simbahan partikular na sa PCEC at sa iba pang mga stakeholder sa patuloy na pagsuporta sa KASIMBAYANAN Program.
Kasabay ding isinagawa ang unveiling at blessing ceremony sa tatlong karagdagang PNP statues, ang Police Executive Master Sergeant Makatao statue, Non-Uniformed Personnel statue at ang PNP Badge. Ito ay pagbibigay kabuluhan sa hindi matumbasang kontribusyon ng mga Police Non-Commissioned Officers at ng mga Non-Uniformed Personnel sa lahat ng katagumpayan ng himpilan. Samantala ang PNP Badge statue naman ay magsisilbing paalala sa misyon at sinumpaang tungkulin ng himpilan sa pagpapanatili ng kapayapaan at kaayusan ng bansa.
Nagkaroon din ng awarding ceremony sa iilang PNP personnel na mayroong katangi-tanging nagawa sa organisasyon partikular na sa larangan ng Police Community Relations.
