Benguet – Lumagda sa Memorandum of Agreement (MOA) ang Regional Mobile Force Battalion 15, Regional Police Community Affairs and Development Unit Cordillera at Cordillera Career Development College (CCDC) na ginanap sa Poblacion, Buyagan, La Trinidad, Benguet nito lamang Pebrero 2, 2023.
Nanguna sa aktibidad si Police Lieutenant Colonel Ruel Table, Officer-In-Charge ng RMFB 15, Police Lieutenant Colonel Louisito Meris, Chief, RPCADU Cordillera at mga kinatawan ng CCDC sa pangunguna ni President Dr. Sherry Junette M Tagle at ilan pang opisyal ng nasabing kolehiyo.
Layunin ng kasunduang ito na maging katuwang ang bawat paaralan at kolehiyo sa pagsugpo at panlilinlang ng CPP-NPA-NDF lalo na sa mga estudyante.
Ito ay pinagtibay upang gabayan ang mga kabataan na siyang mamumuno at magiging lider sa susunod na henerasyon upang mapanatili ang payapang pamumuhay at iwaksi ang anumang uri ng terorismo, kriminalidad at inhursensiya sa Cordillera.
Source: Regional Mobile Force Battalion 15
