Mangaldan, Pangasinan – Rumesponde ang mga tauhan ng Mangaldan Police Station dahil sa natagpuang corroded MK2 Grenade na wala ng fuze safety lever sa Brgy. Tebag, Mangaldan, Pangasinan, nito lamang Lunes ng umaga, Hunyo 6, 2022.
Sa pangunguna ni Police Major Gilbert Ferrer, Deputy Chief of Police ay kaagad nilangbenirepika ang impormasyong iniulat ng concerned citizen kay Brgy. Captain Daniel Biasura.
Ayon kay PMaj Ferrer, ang nasabing granada ay natagpuan ng isang concerned citizen sa gitna ng palayan malapit sa Angalacan River ng nasabing barangay.
Ang narekober na granada ay itinurn-over sa Explosive and Ordnance Division (EOD) K9 Pangasinan Port District Explosive and Canine Unit (DECU) para sa tamang disposisyon.
Ang PNP ay nagpapasalamat sa walang sawang pakikipagtulungan ng mamamayan para sa mas ligtas na pamayanan at hinikayat na huwag mag-atubiling iulat ang anumang kakaibang bagay na mapapansin sa kapaligiran.
Source: Mangaldan Police Station
