Tuluyan nang winakasan ang pakikibaka at kusang nagbalik-loob sa pamahalaan ang isang miyembro ng Underground Mass Organization sa Barangay Maduroto, Matuguinao, Samar nito lamang ika-04 ng Abril 2025.
Kinilala ni Police Captain Marvin B Labrague, Officer-In-Charge ng Matuguinao Municipal Police Station, ang nagbalik-loob na si alyas “Lito”, 41 anyos at residente ng Barangay Maduroto, Matuguinao, Samar.
Ang pagbabalik-loob ay resulta ng matagumpay na panawagan at pakikipagnegosasyon ng mga tauhan ng Matuguinao Municipal Police Station.
Samantala, nakatanggap naman ang nagbalik-loob ng agarang tulong pinansyal mula sa mga kapulisan.
Ang nasabing surrenderee ay nasa kustodiya na ng Matuguinao MPS para sa dokumentasyon at facilitation ng kaniyang posibleng enrollment sa programa ng ating pamahalaan na Enhanced Comprehensive Local Integration Program o E-CLIP.
Ang pagbabalik-loob ng dating miyembro ng UGMO ay representasyon na ang mga programa ng ating gobyerno sa pagwawakas ng insurhensiya at terorismo ay matagumpay na naipapatupad tungo sa pagkamit ng payapa at maunlad na Bagong Pilipinas.
