Boluntaryong nagbalik-loob sa pamahalaan ang isang miyembro ng Communist Terrorist Group sa Poblacion 1, San Jorge, Samar nito lamang ika-26 ng Setyembre 2024.
Kinilala ni Police Captain Petronio F Piangco III, Officer-In-Charge ng San Jorge Municipal Police Station, ang nagbalik-loon na si alyas “Larry”, 31 anyos, magsasaka at residente ng Barangay San Antonio, Gandara, Samar.
Ang matagumpay na pagbabalik-loob nito ay resulta ng matagumpay na panawagan at pakikipagnegosasyon ng mga tauhan ng San Jorge MPS
Isinuko rin ng dating miyembro ng CTG ang isang yunit ng caliber .38 revolver.
Ang nasabing surrenderee ay nasa kustodiya na ng San Jorge MPS para sa facilitation ng kaniyang pagsasailalim sa programa ng ating gobyerno na Enhanced Comprehensive Local Integration Program o E-CLIP.
Sa ilalim ng programa ng ating gobyerno na naglalayong sugpuin ang insurhensiya at terorismo sa ating bansa, ang Pambansang Pulisya ay patuloy na hinihikayat ang mga natitira pang miyembro at tagasuporta ng CTGs na magbalik-loob sa pamahalaan at makiisa tungo sa isang Bagong Pilipinas.
Panulat ni Patrolwoman Ma. Elena B Singian
