Boluntaryong nagbalik-loob sa pamahalaan ang isang miyembro ng Communist Terrorist Group sa Barangay Urdaneta, Lavezares, Northern Samar nito lamang ika-3 ng Setyembre 2024.
Kinilala ni Police Captain Mark Mhon T Amistoso, Officer-In-Charge ng 804th Maneuver Company, Regional Mobile Force Battalion 8, ang nagbalik-loob na si alyas “Jack”, 20 anyos, residente ng Barangay Happy Valley, San Isidro, Northern Samar at miyembro ng Squad 1, SRGU, SRC, EMPORIUM, EVRPC.
Ang pagbabalik-loob nito ay resulta ng matagumpay na pakikipagnegosasyon ng pinagsamang mga tauhan ng 804th Maneuver Company, Regional Mobile Force Battalion 8 at Area Police Command – Visayas, kasama ang 1st Northern Samar Provincial Mobile Force Company, 125th Special Action Company, 12 Special Action Battalion, PNP-SAF, San Isidro Municipal Police Station, Provincial Intelligence Team Northern Samar, Regional Intelligence Unit 8, Northern Samar Provincial Highway Patrol Team – Regional Highway Patrol Unit 8, Northern Samar Provincial EOD and Canine Unit at Maritime Law Enforcement Team Northern Samar.
Ang nasabing surrenderee ay nasa kustodiya na ng 804th Maneuver Company, RMFB 8 para sa facilitation at assessment ng kanyang posibleng enrollment sa programa ng ating gobyerno na Enhanced Comprehensive Local Integration Program o E-CLIP.
Muling hinimok ng PNP ang iba pang mga miyembro at tagasuporta ng CTGs na iwaksi ang maling ideolohiya at magbalik-loob sa pamahalaan upang makasama ang kanilang mga mahal sa buhay at mamuhay ng payapa.
Panulat ni Patrolwoman Ma. Elena B Singian
