Boluntaryong sumuko ang isang miyembro ng Private Armed Group sa tanggapan ng Bucay Municipal Police Station sa Llanes-Querrubin St, South Poblacion, Bucay, Abra nito lamang ika-17 ng Pebrero 2024.
Kinilala ni Police Colonel Froiland B Lopez, Acting Provincial Director ng Abra Police Provincial Office, ang sumuko na isang 54 anyos at miyembro ng Private Armed Group.
Sa pagharap ng nasabing sumuko sa mga otoridad ay isinuko rin niya ang isang Caliber 38 revolver, w/ serial number 53896 at mga markang “ARMSCOR 202 Cal .38 SPL”, kasama ang isang holster at anim na bala.
Ang nasabing miyembro ng Private Armed Group ay kasalukuyang sumasailalim sa debriefing sa Bucay MPS habang ang baril ay nasa kustodiya na ngayon ng Bucay MPS para sa dokumentasyon bago i-turnover sa Abra Provincial Forensic Unit para sa Ballistic Examination.
Ang PNP ay patuloy na magpapatupad ng mga programa na magpapatibay sa bawat komunidad sa pagsugpo sa anumang uri ng krimen at iregularidad sa buong bansa, alinsunod sa kasalukuyang 8-Point Socio-economic Agenda ng administrasyon.
Panulat ni PSSg Ermilinda Cacliong
