Palo, Leyte – Kusang sumuko ang isang miyembro ng Militia ng Bayan sa mga tauhan ng Leyte PNP sa Barangay Guindapunan, Palo, Leyte nito lamang Martes, Agosto 30, 2022.
Ayon kay Police Lieutenant Colonel Ricky C Reli, Officer-In-Charge ng Palo Municipal Police Station, sumuko si alyas “Ka Jema” upang tuligsain ang pagkakaugnay sa Communist Terrorist Group.
Nakatanggap naman si alyas “Ka Jema” ng paunang suporta mula sa PNP gaya ng food packs at hygiene kits matapos ang kanyang boluntaryong pagsuko.
Si “Ka Jema” ay pansamatalang nasa kustodiya at ligtas na pag-iingat ng 1st Leyte Provincial Mobile Force Company para sa debriefing, dokumentasyon at tamang disposisyon.
Sinisiguro ni PLtCol Reli na laging bukas ang tanggapan ng PNP para sa mga gustong magbalik-loob sa gobyerno at magkaroon ng mapayapang pamumuhay.
