Valenzuela City – Tinatayang pitong milyong piso ang nakumpiska sa isang lalaking miyembro ng Alvin Velasco Drug Group sa ikinasang buy-bust operation ng Valenzuela City Police Station nito lamang Huwebes, Hulyo 6, 2023.
Kinilala ni PBGen Ponce Rogelio Peñones Jr, District Director ng NPD, ang suspek na si alyas “Topak” o alyas “Tol”, 36, may asawa, walang trabaho, high school undergraduate at kasalukuyang naninirahan sa Area 3 Pinalagad Malinta,Valenzuela City.
Ayon kay PBGen Peñones Jr, naganap ang operasyon bandang 2:15 ng madaling araw sa kahabaan ng Aca Rd, Mac Arthur Highway, Malanday, Valenzuela City na naging dahilan ng pagkakaaresto sa suspek.
Nasamsam mula sa suspek ang apat na pirasong buhol na plastic sachet na naglalaman ng hinihinalang shabu na tinatayang Php1.7 milyong piso, isang tunay na Php500, tatlong Php100 na may kasamang tatlumpu’t walong (38) piraso ng Php1,000 boodle money na ginamit bilang buy-bust money, isang unit Oppo Cellphone, isang Belt Bag na kulay itim, at isang Unit Honda Click na kulay asul at may plate no. na 221TQB.
Paglabag sa Sections 5 at 11 sa ilalim ng Article II ng RA 9165 o Comprehensive Dangerous Drugs Act of 2002 ang isasampa laban sa naarestong suspek.
Patuloy naman ang Pambansang Pulisya sa pagpapatupad sa kampanya kontra ilegal na droga at anumang uri ng kriminalidad.
Source: NPD PIO
Panulat ni PSSg Remelin M Gargantos
