Kusang sumuko sa pamahalaan ang isang miyembro ng Communist Terrorist Group sa Abulug Police Station noong ika-25 ng Hunyo 2024.
Kinilala ni Police Major Antonio G Palattao, hepe ng Abulug Police Station, ang sumuko na si alyas Ronnie, 51, walang asawa, magsasaka at residente ng Abulug, Cagayan.
Inihayag ni alyas Ronnie na noong taong 2016 ay narekrut siya ng isang facilitator ng Anakpawis dahil pangako nilang libreng elektrisidad at tutulungan sa kanilang mga karapatan sa ancestral domain.
Mula noon ay naging aktibong sumali sa mga pagpupulong at aktibidad ng nasabing grupo.
Ngunit nitong mga nakaraang araw, napagtanto niya na ginamit lang sila ng mga Anakpawis kaya’t tinuligsa niya ang kanyang suporta at kusang sumuko sa larangan ng batas at nangakong susuportahan ang mga programa ng pamahalaan.
Samantala, ang boluntaryong pagsuko nito ay bunga ng pinaigting na kampanya ng pamahalaan kaugnay sa programang EO No. 70 o NTF-ELCAC upang masugpo ang insurhensiya sa bansa.
Source: Abulug PS
