Boluntaryong nagbalik-loob sa pamahalaan ang isang miyembro ng Communist Terrorist Group sa Barangay 15 Lunang, Dolores, Eastern Samar nito lamang Agosto 22, 2024.
Kinilala ni Police Lieutenant Colonel Arnel C Ambos, Acting Force Commander ng 1st Eastern Samar Provincial Mobile Force Company ang nagbalik-loob na si alyas “Onso”, 34 anyos, magsasaka at residente ng Sitio Jitoyan, Barangay San Pascual, Dolores, Eastern Samar.
Ang matagumpay na pagbabalik-loob nito ay resulta ng pagsisikap at pakikipagnegosasyon ng mga tauhan ng 1st Eastern Samar Provincial Mobile Force Company kasama ang Eastern Samar Police Provincial Office-Provincial Intelligence Unit at 801st Maneuver Company, Regional Mobile Force Battalion 8.
Si alyas “Onso” ay nakatanggap naman ng agarang tulong pinansyal at bigas mula sa mga kapulisan.
Ang nasabing surrenderee ay nasa kustodiya na ng 1st Eastern Samar PMFC bago sumailalim sa programa ng ating gobyerno na Enhanced Comprehensive Local Integration Program o E-CLIP.
Patuloy na hinihimok ng 1st Eastern Samar PMFC ang iba pang mga miyembro at tagasuporta ng CTGs na iwaksi ang maling ideolohiya at magbalik-loob sa pamahalaan upang patuloy na sumuporta sa mga programa ng ating gobyerno tungo sa pagkamit ng isang payapa, ligtas at maunlad na bansa.
Panulat ni Patrolwoman Ma. Elena B Singian
