Kusang nagbalik loob sa pamahalaan ang isang miyembro ng Communist Terrorist Group kabilang ang kanyang armas sa Piat Police Station sa Cagayan noong ika-3 ng Hunyo 2024.
Kinilala ni Police Major Dennis D Matias, hepe ng Piat Police Station ang sumuko na si alyas Maira, 55 taong guang, may asawa, magsasaka, kabilang sa isang non-periodic status report on threat groups at residente ng Pamplona, Cagayan.
Lumabas sa imbestigasyon na noong taong 1986, hinikayat si alyas Maira na sumali sa nasabing organisasyon sa ilalim ng pamumuno nina Ka “Lan Lan”, Ka “Eldie” at Ka “Tordi” at mula noon ay aktibo na itong lumahok sa mga pakikibaka sa bayan ng Ilocos Norte, Ilocos Sur, Abra, Ifugao at ibang parte sa Cagayan kapalit ang mga pangakong tulong na hindi natupad kung kaya’t tuluyan na itong kumalas sa nasabing organisasyon para makapamuhay ng normal.
Isinuko nito ang armas na isang homemade 5.56 rifle na may kasamang short magazine at 20 piraso na 5.56 mm na mga bala.
Samantala, ang boluntaryong pagsuko ng miyembro ng makakaliwang grupo ay bunga ng pinaigting na kampanya ng pamahalaan kaugnay sa programa ng EO No. 70 o NTF-ELCAC upang masugpo ang insurhensiya sa lugar para sa nagkakaisang Pilipino tungo sa Bagong Pilipinas.
Source: Piat PS
Panulat ni: Pat Donnabele Galang
