Boluntaryong nagbalik-loob ang isang miyembro ng Communist Terrorist Group sa pamahalaan sa Bai Sarapinang, Bagumbayan, Sultan Kudarat nito lamang Hunyo 3, 2024.
Kinilala ni Police Major Arnel Legada, Hepe ng Bagumbayan Municipal Police Station, ang nagbalik-loob na si alyas “Jeric”, lalaki, 22 anyos, binata, magsasaka, residente ng Barangay La Union, Maitum, Sarangani Province.
Ayon kay PMaj Legada, nagsagawa ng Major Internal Security Operation (ISO) ang mga tauhan ng Bagumbayan MPS at 1202nd MC, RMFB 12 (lead unit) kaugnay ng OPLAN “GILAS” sa Bai Sarapinang, Bagumbayan, Sultan Kudarat.
Ang nasabing operasyon ay nagresulta sa boluntaryong pagsuko ng nasabing dating Miyembro ng Platoon Samsung, Guerilla Front (GF) Musa, FSMR.
Nasa kustodiya na ngayon ng 1202nd MC, RMFB 12 ang sumukong miyembro ng CTG para sa dokumentasyon at debriefing.
Ang pagbabalik-loob ng nasabing surrenderee ay representasyon na ang mga programa ng ating gobyerno sa pagwawakas ng insurhensiya at terorismo ay matagumpay na naipapatupad tungo sa pagkamit ng payapa at maunlad na Bagong Pilipinas.
Panulat ni Pat RHESALIE S UMALAY
