Boluntaryong nagbalik-loob sa pamahalaan ang isang miyembro ng Communist Terrorist Group sa mga tauhan ng 1st Zamboanga del Sur Provincial Mobile Force Company sa Barangay Dapiwak, Dumingag, Zamboanga del Sur nito lamang Hunyo 12, 2025.
Kinilala ni Police Lieutenant Colonel Homer T Dumalag, Officer-In-Charge ng 1st Zamboanga del Sur Provincial Mobile Force Company, ang nagbalik-loob na si alyas “Jun”, 32 anyos, lalaki at residente ng naturang lugar.
Ang sumuko ay dating miyembro ng Hingpit nga Organisadong Masa (HOM) sa ilalim GF BBC WMPRC at nagbalik-loob sa pamahalaan sa pagnanais na mamuhay ng maayos at tahimik kasama ang kanyang pamilya.
Agad naman itong nakatanggap ng tulong pinansyal at isang sakong bigas.
Sa ilalim ng programa ni Pangulong Marcos na naglalayong sugpuin ang insurhensiya, ang Pambansang Pulisya ay patuloy na hinihikayat ang mga natitira pang miyembro at tagasuporta ng Communist Terrorist Group na magbalik-loob sa pamahalaan at samantalahin ang programa nitong E-CLIP o Enhanced Comprehensive Local Integration Program at magkaisa tungo sa isang Bagong Pilipinas.
Panulat ni Pat Joyce Franco
