Boluntaryong nagbalik-loob sa pamahalaan ang isang miyembro ng Communist Terrorist Group (CTG) sa mga otoridad sa Pagadian City, Zamboanga del Sur nito lamang ika-26 ng Enero 2025.
Kinilala ni Police Lieutenant Colonel Jerwin S Cagurin, Acting Chief ng Pagadian City Police Station, ang sumuko na si alyas “Mariel”, isang PSR Listed 31 anyos, babae, residente ng Purok Upo 2, Barangay Balintawak, Pagadian City, Zamboanga del Sur.
Ang sumuko ay dating miyembro na nag otanusa ng KABATAAN PARTYLIST sa Western Mindanao State University External Studies Unit Pagadian City, at isang CTG PSR Listed ng Regional White Area Committee WMRPC at nagbalik-loob sa pamahalaan sa pagnanais na mamuhay ng maayos at tahimik kasama ang kanyang pamilya.
Agad naman itong nakatangap ng cash assistance at foodpacks.
Ang matagumpay na pagbabalik-loob nito ay sa pagsisikap ng mga tauhan ng Pagadian City Police Station katuwang ang Zamboanga del Sur Provincial Intelligence Unit, Zamboanga del Sur Maritime Police Station, PNP Aviation Security Group, Lakewood Municipal Police Station, RID9, CGIG SWM, NISU63, NISG WM9 at S2 1st CAV, ARMOR Division ng Philippine Army.
Sa ilalim ng programa ni Pangulong Ferdinand Marcos Jr., na naglalayong sugpuin ang insurhensiya, ang Pambansang Pulisya ay patuloy na hinihikayat ang mga natitira pang miyembro at tagasuporta ng CTGs na magbalik-loob sa pamahalaan at samantalahin ang programa nitong E-CLIP o Enhanced Comprehensive Local Integration Program at magkaisa tungo sa isang Bagong Pilipinas.
Panulat ni Pat Joyce Franco
