Boluntaryong nagbalik-loob sa pamahalaan ang isang miyembro ng Communist Terrorist Group sa mga tauhan ng 903rd Maneuver Company ng Regional Mobile Force Battalion 9 katuwang ang Malangas MPS at Kabasalan MPS sa Barangay Cainget, Kabasalan, Zamboanga Sibugay nito lamang ika- 09 ng Hunyo 2025.
Kinilala ni Police Major Nicko Czar G Magnaye, Company Commander ng 903rd Maneuver Company, ang sumuko na si alyas “Joffrey”, 56 anyos, lalaki at residente ng naturang lugar.
Ang sumuko ay dating miyembro ng CPP-NPA Gerilyang Yunit Pangubatan (GYP) at nagbalik-loob sa pamahalaan sa pagnanais na mamuhay ng maayos at tahimik kasama ang kanyang pamilya.
Agad naman itong nakatanggap ng isang sakong bigas.
Sa ilalim ng programa ni Pangulong Marcos na naglalayong sugpuin ang insurhensiya, ang Pambansang Pulisya ay patuloy na hinihikayat ang mga natitira pang miyembro at tagasuporta ng CTGs na magbalik-loob sa pamahalaan at samantalahin ang programa nitong E-CLIP o Enhanced Comprehensive Local Integration Program at magkaisa tungo sa isang Bagong Pilipinas.
Panulat ni Pat Joyce Franco
