Boluntaryong nagbalik-loob sa pamahalaan ang isang miyembro ng Communist Terrorist Group (CTG) sa mga otoridad sa Barangay Busol, Tigbao, Zamboanga del Sur nito lamang ika- 20 ng Oktubre 2024.
Kinilala ni Police Major Marlon C Mangan-nay, Officer-In-Charge ng 2nd Zamboanga del Sur Provincial Mobile Force Company, ang sumuko na si alyas “Rey”, 32 anyos, magsasaka, at residente ng Purok 1 Barangay Busol, Tigbao, Zamboanga del Sur.
Ang sumuko ay miyembro ng NPA ng HOM/BRC sa ilalim ng GF KARA WMRPC at Salabukan No’k Gtaw Subanen sa ilalalim ng UGMO Revolutionary Organization ng Lumad (ROL) ng RUC, WMRPC.
Kasabay ng pagbabalik-loob ni “Ka Rey” ay boluntaryo rin nitong isinuko ang isang yunit ng granada.
Ang matagumpay na pagbabalik-loob nito ay sa pagsisikap ng mga ng 2nd Zamboanga del Sur Provincial Mobile Force Company, San Miguel Municipal Police Station, Tigabao MPS, San Pablo MPS, Lapuyan MPS, 902nd Maneuver Company ng Regional Mobile Force Battalion 9, Zamboanga del Sur Provincial Intelligence Team at Regional Intelligence Unit 9.
Sa ilalim ng programa ni Pangulong Marcos na naglalayong sugpuin ang insurhensiya, ang Pambansang Pulisya ay patuloy na hinihikayat ang mga natitira pang miyembro at tagasuporta ng CTG na magbalik-loob sa pamahalaan at samantalahin ang programa nitong E-CLIP o Enhanced Comprehensive Local Integration Program at magkaisa tungo sa isang Bagong Pilipinas.
