Boluntaryong nagbalik-loob sa pamahalaan ang isang miyembro ng Communist Terrorist Group sa mga tauhan ng 903rd Maneuver Company ng Regional Mobile Force Battalion 9, Kabasalan Municipal Police Station at Malangas Municipal Police Station sa Kabasalan, Zamboanga Sibugay nito lamang Huwebes, ika-3 ng Oktubre 2024.
Kinilala ni Police Major Nicko Czar G Magnaye, Company Commander ng 903rd MC RMFB9, ang sumuko na si alyas “Amboy”, 63 anyos at residente ng Barangay Lacnapan, Kabasalan, Zamboanga Sibugay.
Si alyas “Amboy” ay dating Company Commander ng Sub Regional Guerilla Unit na kalaunan ay naging Vice Regional Commander ng Western Mindanao Regional Party Committee, (WMPRC) at nagbalik-loob sa pamahalaan sa pagnanais na mamuhay ng maayos at tahimik kasama ang kanyang pamilya.
Kasabay ng pagbabalik-loob ni “Amboy” ay boluntaryo rin nitong isinuko ang isang yunit ng Ctg 40mm HEDP; isang yunit ng Caliber 357 revolver na may serial no. na 119510; at may kasamang dalawang bala.
Sa ilalim ng programa ni Pangulong Marcos na naglalayong sugpuin ang insurhensiya, ang Pambansang Pulisya ay patuloy na hinihikayat ang mga natitira pang miyembro at tagasuporta ng Communist Terrorist Group na magbalik-loob sa pamahalaan at samantalahin ang programa na E-CLIP o Enhanced Comprehensive Local Integration Program at magkaisa tungo sa isang Bagong Pilipinas.
Panulat ni Patrolwoman Joyce Franco
