Eastern Samar – Boluntaryong nagbalik-loob ang isang miyembro ng Communist Terrorist Group sa 1st Eastern Samar Provincial Mobile Force Company Headquarters sa Barangay 15, Dolores, Eastern Samar nitong ika-17 ng Mayo 2023.
Kinilala ni Police Lieutenant Colonel Seth Mark Alob, Force Commander ng 1st Eastern Samar PMFC, ang sumuko na si alyas “Ben”, 44, may asawa, magsasaka, residente ng Sitio Casapa, Barangay Denigpian, Dolores, Eastern Samar, at isang non-PSR listed regular Community Terrorist Group member sa ilalim ng Front-3, Sub-Regional Committee, ARCTIC, Eastern Visayas Regional Party Committee.
Sa pagsuko ni alyas Ben ay kanya ding isinuko ang isang unit Caliber .38 revolver (defaced), dalawang caliber .38 na bala at dalawang unit ng M203 Grenade.
Agad naman binigyan ng cash assistance at sari-saring grocery pack si alyas Ben para sa agarang tulong at masuportahan ang pangangailangan ng kanyang pamilya.
Ang pagsuko ng mga dating rebelde sa mga awtoridad ng AFP at PNP ay malinaw na indikasyon ng tiwala at kumpiyansa ng mga dating tagasuporta ng CTG sa taos-pusong kampanya ng gobyerno kaugnay sa pagpapatupad ng E.O.70 National Task Force to End Local Communist Armed Conflict (NTF ELCAC) sa lugar.
Patuloy namang hinihikayat ni PLtCol Alob ang komunidad na suportahan ang 1st ESPMFC sa kampanya laban sa kriminalidad at insurhensiya.
