Sultan Kudarat – Isa na namang miyembro ng Communist Terrorist Group (CTG) ang kusang sumuko sa mga otoridad sa boundary ng New Bantangan, Columbio, Sultan Kudarat at Palo 19, Tampakan, South Cotabato, noong Disyembre 3, 2022.
Kinilala ni Police Brigadier General Jimil Macaraeg, Regional Director ng Police Regional Office 12, ang sumuko na si alyas “Ka Rap-Rap”, 42, walang asawa at residente ng Columbio, Sultan Kudarat.
Kasabay ding isinuko ng isang Former Rebel ang baril nitong 12-gauge shot gun na may kasamang mahaba na magazine.
Ayon kay PBGen Macaraeg, boluntaryong sumuko si Ka Rap-Rap sa tulong ng mga kapulisan ng Tampakan MPS, Columbio MPS, 1st Maneuver Company, South Cotabato Provincial Mobile Force Company, Regional Intelligence Division 12, 1205th Regional Mobile Force Battalion 12 at South Cotabato Provincial Intelligence Unit.
Samantala, kasabay ding ikinasa ng mga otoridad ang Warrant of Arrest nito sa kasong rebellion.
Binigyang papuri naman ni PBGen Macaraeg ang mga otoridad sa kanilang dedikasyon upang wakasan ang problema sa insurhensiya at sa pagpapalaganap ng kapayapaan at katahimikan sa rehiyon.
Source: Police Regional Office 12 – Public Information Office
Panulat ni Patrolman Khnerwin Jay A Medelin
