Boluntaryong nagbalik-loob ang isang miyembro ng Communist Terrorist Group (CTG) sa pamahalaan sa Barangay Nalus, Kiamba, Sarangani Province nito lamang Setyembre 30, 2024.
Kinilala ni Police Captain Joseph William Y Placer, Officer-In-Charge ng Regional Mobile Force Battalion 12, ang nagbalik-loob na si alyas “Nar”, 34 anyos, may asawa, magsasaka, at residente ng Barangay Kapate, Kiamba, Sarangani Province.
Ayon kay PCpt Placer, nagsagawa ng Major Internal Security Operation (ISO) ang mga tauhan ng Maitum Municipal Police Station kasama ang 105 Infantry Battalion Charlie Company, 2nd Sarangani Provincial Mobile Force Company, Foxtrot Tracker Team RID 12 at Kiamba MLET.
Ang nasabing operasyon ay nagresulta sa boluntaryong pagsuko ng nasabing dating Miyembro ng SRDG, ROC, Far South Mindanao Region.
Kasabay ng kanyang pagsuko ay ang pagturn-over ng isang yunit ng 38 cal. at anim na bala.
Ang pagbabalik-loob ng dating CTG ay representasyon na ang mga programa ng ating gobyerno sa pagwawakas ng insurhensiya at terorismo ay matagumpay na naipapatupad tungo sa pagkamit ng payapa at maunlad na Bagong Pilipinas.
Panulat ni Patrolwoman Flora Mae Asarez
