Boluntaryong nagbalik-loob sa pamahalaan ang isang miyembro ng Communist Terrorist Group sa 1st Sarangani Provincial Mobile Force Company sa kawas, Alabel, Sarangani Province nito lamang ika-27 ng Marso 2024.
Kinilala ni Police Lieutenant Colonel Lorenzo L Henares, Force Commander ng 1st Sarangani Provincial Mobile Force Company ang nagbalik-loob na si alyas “Juvy”, 53 anyos, may asawa at residente ng Apopong General Santos City at miyembro ng Southern Mindanao Regional Committee (SMRC).
Ayon kay PLtCol Henares, isinuko rin ni alyas “Juvy” ang isang homemade shotgun na may dalawang bala at isang magasin.
Ang kanyang pagsuko ay resulta ng matagumpay na negosasyon ng pinagsamang mga tauhan ng 1st Sarangani PMFC, Sarangani Police Provincial Office, Provincial Intelligence Unit-SPPO, Regional Intelligence Division 12 at 73rd IB Philippine Army.
Ang nagbalik-loob na rebelde ay nasa kustodiya na ngayon ng 1st Sarangani Provincial Mobile Force Battalion para sa facilitation at assessment sa posibleng pag-apply nito sa Enhanced-Comprehensive and Local Integration Program (E-CLIP) ng gobyerno kung saan ito naman ay binigyan ng agarang tulong pinansyal at food packs mula sa kapulisan.
Ang Pambansang Pulisya ay patuloy na mananawagan sa mga gustong magbagong buhay na magbalik-loob na sa gobyerno at huwag ng pairalin ang mga maling ideolohiya sapagkat ang ating pamahalaan ay bukas na tanggapin ang inyong pagbabago para sa mas payapa at maunlad na Bagong Pilipinas.
Panulat ni Patrolwoman Vina C Morales
