Cebu – Arestado ng kapulisan ang isang dating miyembro ng CPP-NPA na may kasong Murder kasunod ng operasyon na inilunsad sa Brgy. Looc, Dumanjug, Cebu noong ika-27 ng Mayo 2023.
Kinilala ni Police Colonel Ronan Claravall, Force Commander ng Regional Mobile Force Battalion (RMFB) 7, ang naaresto na si “Ontoy”, 40, residente ng nasabing lugar.
Ang akusado ay inaresto dakong alas-2:30 ng hapon ng pinagsanib puwersa ng 701st at 703rd Maneuver Company, Cebu 2nd Provincial Mobile Force Company, Dumanjug Police Station, Guihulngan City Police Station, at Regional Intelligence Unit 7 sa bisa ng Warrant of Arrest sa kasong Murder.
Nabatid na ang naaresto ay dating miyembro ng CPP-NPA, CN1, na nagpapatakbo ng Brgy. Trinidad at Brgy. Binubohan, Negros Occidental.
Ang matagumpay na operasyon ay nagpapakita ng walang humpay na pagsisikap ng kapulisan laban sa mga personalidad na patuloy na nagtatago sa kamay ng batas.
