Boluntaryong nagbalik-loob sa pamahalaan ang isang miyembro ng Communist Terrorist Group sa Barangay 8, Pambujan, Northern Samar nito lamang ika-23 ng Hulyo 2024.
Kinilala ni Police Lieutenant Colonel Edwin M Oloan Jr., Force Commander ng 2nd Northern Samar Provincial Mobile Force Company, ang nagbalik-loob na si alyas “Odoy”, 64 anyos, magsasaka at residente ng Barangay Geraparayan de Turag, Silvino Lubos, Northern Samar.
Ang pagbabalik-loob nito ay resulta ng matagumpay na pakikipagnegosasyon ng mga tauhan ng 2nd Northern Samar Provincial Mobile Force Company, kasama ang 122 Special Action Company, 12 Special Action Battalion, PNP-SAF, 153 Special Action Company, Explosive Ordnance Disposal and K9U, Silvino Lubos Municipal Police Station at 19 Infantry Battalion ng Philippine Army.
Isinuko rin ng dating miyembro ng CTG ang isang yunit Caliber .38 revolver na may 6 na bala.
Ang nasabing surrenderee ay nasa kustodiya ng 2nd Northern Samar PMFC para sa kaukulang dokumentasyon at tactical interview bago sumailalim sa programa ng ating gobyerno na Enhanced Comprehensive Local Integration Program o Local Social Integration Program.
Muling hinimok ng 2nd Northern Samar PMFC ang iba pang mga miyembro at tagasuporta ng CTGs na iwaksi ang maling ideolohiya at magbalik-loob sa pamahalaan upang patuloy na sumuporta sa mga programa ng ating gobyerno tungo sa pagkamit ng isang payapa, ligtas, at maunlad na bansa.
Panulat ni Patrolwoman Ma. Elena B Singian
