Tuluyan nang winakasan ang pakikibaka at nagbalik-loob sa pamahalaan ang isang miyembro ng Communist Terrorist Group sa himpilan ng 2nd Samar Provincial Mobile Force Company sa Barangay Pabanog, Paranas, Samar nito lamang ika-4 ng Hulyo 2024.
Kinilala ni Police Lieutenant Colonel Alex C Dang-Aoen, Force Commander ng 2nd Samar ang nagbalik-loob na si alyas “Bubu”, nasa tamang edad, isang magsasaka at residente ng Barangay Nawi, Paranas, Samar at miyembro ng CTG Yakal Platoon, SRC BROWSER, EVRPC.
Ang matagumpay na pagbabalik-loob nito ay resulta ng patuloy na panawagan at pakikipagnegosasyon ng mga tauhan ng 2nd Samar Provincial Mobile Force Company kasama ang Regional Intelligence Unit 8 at 802nd Maneuver Company, Regional Mobile Force Battalion 8.
Ang nagbalik-loob ay nasa kustodiya ng 2nd Samar PMFC para sa dokumentasyon bago sumailalim sa programa ng ating gobyerno na Enhanced Comprehensive Local Integration Program o Local Social Integration Program.
Samantala, agad namang nakatanggap ng tulong pinansyal at grocery items ang surenderee galing sa mga kapulisan.
Ang pagbabalik-loob nito ay representasyon na ang mga programa ng ating gobyerno sa pagwawakas ng insurhensiya at terorismo ay matagumpay na naipapatupad tungo sa pagkamit ng payapa, ligtas at maunlad na Bagong Pilipinas.
Panulat ni Patrolwoman Ma. Elena B Singian
