Basilan – Boluntaryong sumuko ang isang miyembro ng Abu Sayyaf Group sa Basilan PPO sa pakikipagtulungan ng ibang unit ng PNP at ng 101st Brigade Philippine Army noong Agosto 11, 2022.
Kinilala ni PCol Pedro Martinez Jr., Provincial Director, Basilan Police Provincial Office, ang sumuko na si Alih Kiman Mustapha, 53, Isal teacher ng Ereley Elementary School, at residente ng Brgy. Guiong, Sumisip, Basilan.
Napadali naman ang pagsuko dahil sa isinagawang whole-of-the-nation approach operation ng pinagsanib na puwersa ng Basilan PPO, Provincial Intelligence Unit Basilan PPO, 53rd Special Action Company, 54th Special Action Company, RMFB Basulta, Sumisip MPS, at 101st Brigade Philippine Army.
Si Mustapha ay isang PSR watchlist #65 Basilan sa ilalim ng pamumuno ng namatay na dating ASG sub-leader Radzmil Janatul na kabilang sa ilang kaso gaya ng Kidnapping for Ransom, Harassment, Ambuscades, Extortion, Illegal Drug Trades, at mga terorismong gawain.
Kasabay ng kanyang pagsuko ay ang pagsuko din niya ng kanyang baril na isang yunit ng Caliber 30 US carbine rifle na may kasamang limang bala.
Pansamatalang nasa pangangalaga ng PIU Basilan PPO ang sumuko para sa custodial debriefing.
Ang dami ng bilang ng mga sumusuko mula sa teroristang grupo ay resulta ng matiyagang pagsisikap at panghihikayat ng ating pamahalaan at dahil na rin sa magandang pakikitungo ng ating PNP at Philippine Army sa ating komunidad.
###
Panulat ni Patrolman Mark Vincent Valencia
