Narekober ng mga miyembro ng Provincial Highway Patrol Team Cavite ang isang Mitsubishi Mirage na sangkot sa Assume-Balance Scheme sa Dasmariñas, Cavite nito lamang ika-24 ng Enero 2025.
Pinangunahan ni Police Lieutenant Florence M Bugaoan, Mobile Team Leader ng Mobile Team 4A-99 ng PHPT Cavite, ang nasabing operasyon sa suberbisyon ni Police Major Mark Phillip S Almedilla, Team leader PHPT-Cavite kasama sina PEMS Ferdinand Cruz, PCMS Jeyferson Cabuloy, PSMS Jaypee Garcia at PCPL Michael Angelo Fantone.
Kinilala ni PLt Bugaoan ang may-ari ng sasakyan na si Ginang Joan Delos Reyes Y Cruz, residente ng 136 Amethyst St., Shapell Homes 1, Habay 1, Bacoor City.
Ayon pa kay PLT Bugaoan, naibenta ang Mitsubishi Mirage kay Mr. Tristan Noel Antiporda y Ceon, na taga- Maddalero, Buguey, Cagayan, thru Assume Balance subalit nahinto ito sa pagbabayad ng monthly amortization simula October 2024.
Noong Enero 23, 2025, isang indibidwal ang nagpakita kay Gng. Delos Reyes para kumpirmahin ang status ng nasabing Motor Vehicle sapagkat ito ay nakapost sa Social Media Facebook Marketplace at ito ay naka- “For Sale”.
Sa pamamagitan ng post sa FB, narekober ng mga operatiba ang nasabing MV sa #9018 B16 Excess Lot Cluster L Emmanuel Bergado 1, Dasmariñas, Cavite kay Mr. Renel F Tamidles, na nagpakilalang may-ari ng MV at ang nag-post sa Social Media at nabili anya ang MV kay Mr. Tristam Noel Antiporda ng Php130,000 sa Quezon City noong Disyembre 2024.
Boluntaryong isinurender naman ni Mr. Tamidles ang nasabing MV sa nasabing barangay nang malaman niya ang totoong status ng sasakyan. Pagkatapos dinala ang narekober na MV sa tanggapan ng PHPT-Cavite para sa tamang imbestigasyon, macro etching examination at tamang disposisyon.
