Calapan City, Oriental Mindoro (January 20, 2022) – Arestado ang Top 9 Most Wanted Person ng MIMAROPA bilang resulta ng masusing pagpaplano ng Police Regional Office MIMAROPA at pinaigting na operasyon ng pulisya ng Technical Support Company ng Regional Mobile Force Battalion-4B kasama ang suporta ng kapulisan ng Municipal Police Station ng Naujan, Soccoro at Calapan City Police sa ilalim ng Oriental Mindoro Police Provincial Office sa Barangay Mabuhay I, Soccoro, Oriental Mindoro noong Enero 20, 2022.
Kinilala ang suspek na si Marlon Malapote Lamonte, 47 taong gulang, walang trabaho at residente ng Brgy. Anoling, Pinamalayan, Oriental Mindoro.
Ang nasabing pag-aresto ay ginawa sa bisa ng Warrant of Arrest na inisyu ng Regional Trial Court, Branch 41, Calapan City, Oriental Mindoro para sa 2 counts of rape na walang inirekomendang piyansa.
Ang mga kasong tulad nito ay pangalawang pinakalaganap na krimen na kinasasangkutan ng karahasan laban sa kababaihan at mga bata at number 1 sa 8 focus crimes sa buong rehiyon.
“Pinupuri ko ang matagumpay na pagpaplano na pinangunahan ng ating Deputy Regional Director for Operations at ng operating teams ng TSC-RMFB, Socorro, Naujan, at Calapan City Police para sa pagkakaroon ng isa pang kahanga-hangang tagumpay. Ito ay nagpapakita lamang ng ating mga kapulisan ay puspusan na hulihin ang lahat ng mga kriminal at mapanagot sa batas”, wika ni Police Brigadier General Sidney Hernia, Regional Director, Police Regional Office MIMAROPA.
“Samakatuwid, inaatasan ko ang lahat ng unit commander na maglunsad ng malawakang operasyon laban sa most wanted persons sa buong rehiyon bilang bahagi ng ating One-Time-Big-Time”, dagdag pa niya.
#####
Husay at Galing mabuhay ang mga kapulisan