Nakumpiska ang tinatayang Php34,000,000 halaga ng shabu sa isinagawang buy-bust operation ng Regional Drug Enforcement Unit 9 sa Zone 5, Cariaga Street, Gonzalez Drive, Barangay Mercedez, Zamboanga City nito lamang ika-13 ng Pebrero 2024.
Kinilala ni Police Colonel Alexander A Lorenzo, Acting City Director ng Zamboanga City Police Office, ang suspek na si alyas “Wahmy”, 59, may asawa at si alyas “Jumeng”, 37, may asawa at kapwa mga residente sa SouthCom Village, Zamboanga City.
Nakumpiska mula sa mga suspek ang limang piraso ng pakete na naglalaman ng hinihinalang shabu na may timbang na mahigit 5 kilo at tinatayang nagkakahalaga ng Php34,000,000; isang piraso ng Php1.00 peso coin at 949 pirasong 1 peso coins; isang kulay puti na paper bag; limang empty packs ng prince durian; apat na empty plastic packs; isang pulang plastic bag; isang eco bag; at isang ford ranger na kulay itim na may plate number na KAB 4470.
Mahaharap ang mga suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Patunay lamang na ang Pambansang Pulisya katuwang ang ibang ahensya ng pamahalaan ay patuloy sa pagpapaigting ng kanilang kampanya kontra ilegal na droga. Ito ay alinsunod sa mithiin ng administrasyon na labanan ang mga sindikato ng droga sa pamamagitan ng pagpigil sa kanilang mga ilegal na aktibidad at pagbuwag sa kanilang mga operasyon.
Panulat ni Patrolwoman Louise Marie V Conde
