Tuluyan nang winakasan ng dalawang miyembro ng Anakpawis ang kanilang ugnayan sa makakaliwang grupo at nagbalik-loob sa gobyerno noong ika-29 ng Marso 2024.
Ang dalawang indibidwal ay residente sa bayan ng Abulug, Cagayan na kusang nagbalik-loob sa pamahalaan bunga ng sa pagsisikap ng Abulug PNP.
Nabatid sa pakikipanayam sa mga ito na nahimok silang sumanib sa nasabing organisasyon taong 2016 dahil sa pangako nilang pagkakaroon ng kuryente sa kanilang lugar at paggawad ng lupang sakahan.
Mula noon, aktibo silang lumahok sa mga pagpupulong tungkol sa propaganda ng organisasyon subalit napagtanto nila na ginagamit lang sila ng organisasyon at sa loob ng pitong taon ay walang katuparan ang ipinangakong lupa at kuryente kaya kusang-loob silang sumuko upang wakasan ang kanilang ugnayan sa organisasyon at suportahan ang mga programa ng pamahalaan.
Labis ang pasasalamat ng kapulisan sa mga mamamayang tumutulong upang tuluyang mawakasan ang suliranin sa terorismo at insurehensiya para sa pag-unlad ng ating bansa tungo sa Bagong Pilipinas.
Source: Cagayan Police Provincial Office
