Napili bilang benepisyaryo ang mga kapatid na katutubong Manobo at Talaandig sa Purok 8, Brgy. San Miguel, Maramag, Bukidnon sa isinagawang Duterte Legacy: BARANGAYanihan Caravan na may layuning ilapit ang iba’t-ibang serbisyo ng gobyerno sa mga barangay.
Kasabay nito ang pagdiriwang ng 2021 Indigenous People Month at 24th Indigenous People Right Act na may temang “Ang paglalakbay ng mga Katutubong Mamamayan para sa Tunay na Pagkilala, Paggalang at Sariling Pamamahala.
Kasama ng kapulisan ng Bukidnon Police Provincial Office sa pangunguna ni Police Colonel Jun Mark J Lagare ang iba’t-ibang ahensya ng Gobyerno at mga pribadong grupo.
Dumalo ang mga kinatawan ng Lokal na Probinsya ng Maramag, DILG, TESDA, DOLE, DSWD, Municipal Health Office, COMELEC, DOH, One Indigo Project, C & E Foundation Inc., at NET 25 EBC News. Dumalo rin ang mga miyembro ng Kabataan Kontra Droga Bukidnon Chapter sa isinagawang aktibidad.
Nagkaroon din ng COVID-19 vaccination, libreng gupit, Mobile Library at pamamahagi ng pagkain, hygiene kits, food packs, tsinelas at DSWD food box.
Nagturo rin ang grupo ng tamang paghuhugas ng kamay sa mga bata at mga simpleng pamamaraan upang makaiwas sa COVID-19 virus.
Ang Duterte Legacy: BARANGAYanihan Caravan ay sabay-sabay na isinasagawa sa buong probinsya ng Bukidnon noong Oktubre 27, 2021 katulong ng iba’t-ibang ng ahensiya ng gobyerno upang mapaabot ang mga programa ng gobyerno sa mga mamamayan.
Panulat ni: NUP Sheena Lyn M Palconite and Bukidnon PPO
