Nueva Ecija – Nadiskubre ng Nueva Ecija PNP ang mga nakabaong kagamitang pampasabog ng Communist Terrorist Group sa Brgy. Kalabasa, Gabaldon, Nueva Ecija nito lamang Miyerkules, ika-17 ng Mayo 2023.
Ito ay sa ilalim ng pamumuno ni Police Colonel Richard Caballero, Provincial Director ng Nueva Ecija Police Provincial Office.
Ayon kay PCol Caballero, boluntaryong itinuro ni alyas “Ka Grace”, isang nagbalik-loob sa pamahalaan ang kinaroroonan at lokasyon ng mga nakabaong pampasabog.
Narekober sa naturang operasyon ang dalawang high explosive Rifle Grenade.
Patuloy ang Nueva Ecija PNP sa pagpapaigting ng kampanya laban sa insurhensiya at terorismo upang protektahan ang mga mamamayan sa mga makakaliwang grupo.
Source: Nueva Ecija Police Provincial Office
Panulat ni Police Corporal Jeselle Rivera/RPCADU3
