Nakumpiska ng mga operatiba ng General Santos City Police Office ang iba’t ibang uri ng ilegal na paputok sa isinagawang operasyon sa Purok Hangar, Barangay Mabuhay, General Santos City nito lamang Disyembre 30, 2024.
Kinilala ni Police Major Wesley P Matillano, Station Commander ng Cotabato City Police Station 9, ang suspek na si alyas “John”, 26 taong gulang at residente ng Cotabato City at alyas “Roy”, 22 taong gulang at residente ng Purok Darusalam, Barangay San Isidro, General Santos City.
Nahuli ang mga suspek bandang 12:15 ng tanghali ng mga operatiba ng General Santos City Police Office at Regional Anti-Cybercrime Unit 12.
Nakumpiska mula sa mga suspek ang dalawang rolyo ng Judasbelt na may tig-1000 rounds each, 50 piraso na kwitis, tatlong piraso fountains, isang set 16 shots, dalawang units mobile phone, 10 pirasong boodle money, isang unit NMAX na motorsiklo na may plate number 1801-0121254 at personal na pera na nagkakahalaga ng Php1,772.
Ang suspek ay pinaalalahanan sa hindi magandang epekto ng mga ilegal na paputok at inaasahang sasampahan ng kasong paglabag sa Republic Act 7183 at Executive Order No. 28 s. 2017.
Layunin ng PNP na mapanatili ang kaligtasan ng publiko sa pamamagitan ng pagbabawal sa mga ilegal na paputok na nagdudulot ng pinsala, aksidente, at polusyon.
Pinangangalagaan din ang kabataan at mga komunidad mula sa mga panganib na dulot nito. Sa pamamagitan ng pagpapatupad ng batas, hinahangad ng pulisya ang mas ligtas at mapayapang pagdiriwang para sa lahat.
