Tambler, General Santos City – Malugod na tinanggap ng Police Regional Office 12 (PRO 12) ang mga donasyong sasakyan at motorsiklo na itinurn-over ng Local Government Unit – Koronadal City sa Grandstand ng PRO 12, Tambler, General Santos City noong ika-18 ng Hulyo 2022.
Kabilang dito ang dalawang Isuzu D-MAX Pick-up na sasakyan, 8 motorsiklo na kinabibilangan ng 4 na KLX Kawasaki at 4 na yunit ng XRM Honda.
Pinangunahan ni Eliordo Ogena, City Mayor ng Koronadal City, South Cotabato, ang turn-over ceremony ng donasyon sa PRO12 sa pamumuno ni PBGen Alexander Tagum, Regional Director.
Ayon kay PBGen Tagum, isinagawa ang turn-over ceremony kasabay ng Traditional Monday Flag Raising Ceremony ng PRO 12 kung saan si Koronadal City Mayor Ogena ang naging Guest of Honor and Speaker ng naturang seremonya.
Samantala, gagamitin ang mga nasabing sasakyan ng Koronadal City Police Station, South Cotabato Police Provincial Office upang palakasin ang pagsusumikap ng PNP para labanan ang anumang uri ng kriminalidad sa kanilang nasasakupan at para makapagbigay ng agarang responde sa oras ng pangangailangan.
Nagpahayag naman ng taos-pusong pasasalamat si PBGen Tagum sa Koronadal City sa pagtitiwala at hindi matatawarang pagbibigay suporta sa PRO 12.
“Patuloy kaming magbibigay ng serbisyo sa publiko upang mapanatili ang patuloy na pagtitiwala na ibinigay ng komunidad at ng aming mga stakeholders,” ani PBGen Tagum.
Source: Police Regional Office 12 – Public Information Office
###
Panulat ni Patrolman Khnerwin Jay A Medelin
