Narekober sa Search Warrant Operation ng Iligan City Police Station ang mga baril at bala sa isang indibidwal sa Barangay Bigao, City of Ilagan, Isabela nito lamang Pebrero 14, 2025.
Ang suspek ay tinago sa alyas na “Rey”, 48 anyos, residente sa nabanggit na lugar.
Ayon sa mga awtoridad, may ilang beses umanong nakita ang suspek bitbit ang nakumpiskang baril at dito na nagkasa ng operasyon ang mga tauhan ng PNP Ilagan at PIU-IPPO sa pagsisilbi ng Search Warrant na nagresulta sa pagkakadakip ng suspek at pagkakasamsam ng Armscor 12-gauge shotgun na may kaukulang serial number kasama ang tatlong bala nito.
Nahaharap ang suspek sa kasong paglabag sa Republic Act 10591 o “Comprehensive Firearms and Ammunition Regulations Act”.
Pinuri naman ni Police Colonel Lee Allen Bauding, Provincial Director ng Isabela Police Provincial Office ang kapulisan sa likod ng matagumpay na operasyon, patunay na ang PNP Isabela ay hindi tumitigil sa pagpapatupad ng batas upang mapanatili ang kaayusan at kapayapaan ng lalawigan tungo sa isang Bagong Pilipinas.
Source: Isabela PNP
Panulat Ni PSSg Jermae D Javier
