Cebu – Nasagip ang 14 – anyos na lalake sa Cebu sa isinagawang buy-bust operation ng mga tauhan ng Police Station 9 ng Cebu City Police Office sa Sitio Lumboy, Brgy. Guadalupe, Cebu City dakong alas-12:05 ng umaga noong Sabado, Abril 8, 2023.
Ayon kay Police Major Armando Labora, Station Commander, kasabay ng pagkakasagip sa menor de edad na kinilalang si alyas “Rics”, residente ng Brgy. Labangon ng kaparehong lungsod, nakumpiska mula rito ang tinatayang nasa 55 gramo ng shabu na nagkakahalaga ng Php374,000.
Panawagan ng kapulisan sa mga magulang na bantayan at patuloy na subaybayan ang kanilang mga anak mula sa kanilang mga ginagawa at maging sa mga tao na kanilang nakakasalamuha upang matiyak na malayo sila sa mga hindi kaaya-ayang mga aktibidad.
