Nagbalik-loob sa mga awtoridad ang tinaguriang medical officer ng Communist Terrorist Group (CTG) sa Camp Juan M Duyan, Bulanao, Tabuk City, Kalinga, nito lamang ika-19 ng Setyembre 2024.
Kinilala ni Police Colonel Gilbert Fati-ig, Provincial Director ng Kalinga Police Provincial Office, ang sumuko na isang 74 anyos na babae, at nagsisilbing medical officer ng Supra Provincial Committee, Larangang Yunit Gerilya sa ilalalim ng pamumuno ni “Ka Sugar Command”.
Naging matagumpay ang pagsuko dahil sa puspusang pagsisikap ng mga operatiba sa pangunguna ng PIU, Kalinga PPO, PDEU, Tabuk CPS, 1st and 2nd PMFC’s Kalinga PPO, PHPT Kalinga, CIDG Kalinga PFU, RID PRO-CAR, RMFB15, RIU 14, 111SAC PNPSAF, 53rd MICO, 503rd Brigade PA, at NICA para sa pagpapaigting sa National Task Force to End Local Communist Armed Conflict (NTF-ELCAC) sa ilalim ng Executive Order 70 ng gobyerno na nagbibigay ng reintegration benefits sa mga dating rebelde na naging biktima ng kasinungalingan at panlilinlang ng Communist Terrorist Group (CTG).
Patuloy pa rin ang panawagan ng pamahalaan na magbalik-loob ang iba pang miyembro ng komunistang grupo upang mamuhay muli kapiling ang kanilang mahal sa buhay.
