Sultan Kudarat – Malaki ang tiwala sa mga awtoridad ang pinanghawakan ng isang medical officer para boluntaryong sumuko nito lamang ika-15 ng Mayo 2023.
Kinilala ni Police Major Heilbronn Okoren, Hepe ng Kalamansig Municipal Police Station, ang sumuko na si alyas “Ka Nico”, nasa wastong gulang, at nagsilbing medical officer mula sa Platoon Subay of Guerilla Front 73, Far South Mindanao Region (FSMR), New People’s Army (NPA).
Ayon kay PMaj Okore, boluntaryong sumuko si alyas “Ka Nico”, nang makumbinsi ito ng mga tauhan ng Kalamansig PNP, 2nd Sultan Kudarat Provincial Mobile Force Company, Sultan Kudarat Provincial Intelligence Unit, at Regional Intelligence Division 12, na magbagong-buhay sa tulong ng maaaring matanggap sa ilalim ng Enhanced Comprehensive Local Integration Program (ECLIP) ng pamahalaan.
Agad itong nakatanggap ng tulong pinansyal at foodpacks mula sa LGU-Kalamansig.
“Nananawagan ako sa mga natitira pang miyembro na isuko ang inyong mga armas at magbalik-loob sa gobyerno para mamuhay ng payapa upang makasama ang inyong mga mahal sa buhay at maraming programa ng gobyerno ang naghihintay para sa inyo,” ani PMaj Okoren.
Panulat ni Patrolman Khnerwin Jay Medelin/RPCADU12
